«Նիկոլ Փաշինյանի թիմը ոնց երկիրն է կառավարում՝ փնթի ու անգրագետ, նույն կերպ էլ ընդդիմության վրա է հարձակվում». Բաբկեն Հարությունյան

Բաբկեն Հարությունյանը գրում է. «Նիկոլ Փաշինյանի թիմը ոնց երկիրն է կառավարում՝ փնթի ու անգրագետ, նույն կերպ էլ ընդդիմության վրա է հարձակվում: Ուրեմն, «Հայրենիք» կուսակցության նախագահ Արթուր Վանեցյանն ավելի քան երկու շաբաթ առաջ «Առավոտ»-ին հարցազրույց էր տվել, որը երեկ հրապարակվել է կուսակցության ֆեյսբուքյան էջում։ Բայց դատելով ֆեյքերի ՊՈԱԿ-ի բարձրացրած հիստերիայից՝ սրանք նոր են տեսել հարցազրույցը ու ֆաս հրահանգով հարձակվել են «Հայրենիքի» ու Վանեցյանի վրա։

Ֆեյքային հարձակումներն, անշուշտ արդեն ժպիտ են առաջացնում, բայց ամենազավեշտալին այն է, որ ժողովրդի ճնշող մեծամասնության աջակցության հաշվին իշխանության եկած Նիկոլը Փաշինյանն ընդամենը երկու տարում այնպես փոշիացրեց էդ վստահությունն ու աջակցությունը, որ մնացել է միայն ֆեյքերի ու ֆեյք հարցումների հույսին։ Ընդ որում, ֆեյքերն էլ «պոզդնի» են: Բյուջից այդքան փող եք վատնում, գոնե նորմալ մոնիթորինգի թիմ պահեք, որ հոտից ուշացած ոչխարի տպավորություն չթողնեք, տղաներ ու աղջիկներ։

Մի վատ նորություն էլ ունեմ ձեզ համար. բոլորիդ անուն առ անուն գիտենք, ձեր ֆեյքերի ցանկերն էլ՝ հետը։ Վաղը դուք ու ձեր շեֆերը սեփական ձեռքերով հատ-հատ ջնջելու եք այդ քոմենթները, իսկ ձեզնից ոմանք տպելու են իրենց գրածներն ու ուտեն՝ որպես մեղքերի թողություն»:

Жми «Нравится» и получай только лучшие посты в Facebook ↓

error: Content is protected !!